նամուս

նամուս

աննամուս.1907

աննամուս.1907

Բլօգ'n'Փնտրտուք

Loading...

Total Pageviews

Thursday, May 6, 2010

մի դանակի պատմություն

Մի փոքրիկ շվեյցարական դանակ ունեմ` վեց տարի առաջ այժմ քանդված Լեզվի ինստիտուտի դիմացի փոքրիկ կրպակից գնեցի: Ու օր չի եղել, որ էդ դանակը հետս չլինի: Համ դանակ, համ պտուտակահան /отвертка/, համ ատամնաքչփորիչ համ նրբունելի /пинцет/, համ շիշ բացիչ, համ մետաղալարի մաքրիչ...ինձ շատ ա օգնել, մանավանդ երբ մոտոյով հեռու գյուղերում եմ եղել ու կայծակի վրա ինչ-որ մի բան փչացել ա:

Դեկտեմբերին գործից արագ-արագ տուն էի գնում, ամբողջովին սև էի` սև շալվար, սև բաճկոն, սև գլխարկ, սև ակնոց ու սև մորուք` սև երաժշտությունն էլ ականջներումս: Օպերայի մոտ զգացի հետևիցս մեկը գալիս ա` հետո ուսս թփթփացրեց` շրջվեցի: Կարմիր բերետավոր էր, երևի տեսքս կասկածելի էր /վերջում իմացա որ դանակի շղթան էր տեսել գոտուցս կախված/:
- Բարև ձեզ
- Բարև
- Ավագ սերժանտ յեսիմինչյան
- Շատ ուրախ եմ /հո ապուշ չեմ, որ ուրախ լինեմ էս դեպքում/
- Անցնենք մի քիչ էն կողմ
- Անցնենք /ձայնիս մեջ մի քիչ դող կար, քայլեցինք դեպի Օպերայի մոտի պուլպուլակը, որտեղ ավելի մութ էր/:
- Ձեռքերդ կհանես գրպանիցդ
/Հանում եմ ու խաչում դոշիս/
Այդ պահին մոտեցան напарникները` ևս երկու կարմիր բերետավոր:
- Ձեր մոտ սուր կտրող ծակող գործիք կա՞
- Եթե սա /հանում եմ դանակը, բացում շեղբը ու ցույց տալիս/ համարվում ա սուր կտրող ծակող գործիք` կա /ձայնիս դողն անցավ/
Ճիշտն ասած սերժանտը մի կես վայրկյան ու մի կես կիլո ապշեց իմ` իրար չխառնվելուց  :-)))
Վերցրեց դանակը, նայեց, ու անցավ դու-ի
- Ի՞նչ ես անում ես դանակով 
- Ящик եմ բացում
- Որտեղ ես աշխատում
- Կոմպերի խանութում
- Գիտես, որ սա սառը զենք ա համարվում ու կրել չի կարելի
- Սա սառը զենք չի
- Ո՞նց զենք չի
- Տենց, ազատ վաճառվում ա, կարամ խանութի տեղն էլ ասեմ
- Էս դանակը սառը զենք ա
- Էս դանակը սառը զենք չի, նախ` շեղբը երեք մատնաչափ էլ չկա, երկրորդը` դանակը ծալովի ա ու որ շատ էլ ուզենաս` սրանով մարդ չես կարա խփես, խփելուց էլ շեղբը կծալվի մատներիդ վրա, բացի դա` դանակը упор /բռնակի ու շեղբի միջև եղած հենք/ չունի ու  խփելուց շեղբը կհայտնվի ափիդ մեջ ու կփռթես ինքդ քեզ

Դանակների, դաշույնների ու սառը զենքի մասին "գիտելիքներս" արագ-արագ վրա բերելուց սերժանտի ուղեղը կախեց /գլուխ չեմ գովում, ինչ կա էն եմ ասում/
Անցավ մոտ երեսուն լուռ ու տաժանակիր վայրկյան:
- Բայց կարաս չէ՞ սրանով մարդուն վնաս տաս
- Գետնից էլ կարամ քար վերցնեմ ու մարդուն վնաս տամ` մարդու մտքին տեղ լինի: Էս դանակով շատ-շատ մեկի ականջը կտրեմ :-))) /ծիծաղում եմ/
- /ժպտում ա/ հա...բայց պետք ա զանգեմ ղեկավարությանը զեկուցեմ, կարողա տանենք բաժին /վախացնում ա/
- զանգի, /ուսերս թոթվեցի ես, կանգնած եմ հանգիստ/ բայց ինչ են քեզ ասելու որը դու չգիտես 
/ուզում եմ  ասեմ` եթե էս դանակը կրելու համար կալանք ա հասնում կամ պիտի բերման ենթարկեք` տարեք բաժին, եթե չէ` ինչ եք գլուխ *ունում/
-Չէ, պիտի զանգեմ
Հեռացավ մի հինգ մետր` նայում եմ` բջջայինը դրել ա ականջին, դանակովս ձախ ձեռքիս աջ բութ մատը կկտրեի`չէր զանգել, ձև էր բռնել, երևի ռեակցիաս ստուգելու համար: Մոտեցավ
- Վերցրու /տալիս ա դանակը/
- Ի՞նչ ասին բաժնից
- Իմացի որ սա կրել չի կարելի, սա սառը զենք ա, ափաշքյարա կախել էս քյամարիցդ, դրել ջեբդ` ցեպն երեվում ա /ձայնի մեջ նեղսրտած վիրավորանքի տոն զգացի/
- Էդ նույն ցեպից կարար բռիլօկ կախած լիներ կամ ժամացույց...
Մտածեցի ասեմ բա եթե սառը զենք ա ինչի եք ինձ բաց թողնում, հետո մտածեցի որ եթե էսքանից հետո չհասկացավ զենքի ու չզենքի տարբերությունը, իմաստ չունի
- Հաջողություն
-Ց'տեսություն



/սա գրելուց իրական դիալոգից ոչինչ չի կրճատվել ու չի ավելացվել/

1 comment:

  1. փաստորեն խուխցավանքա. ես էլ էս դանակից ունեմ բայց չգիտեյ կարելիա մոտս պահեմ տե չէ, "դանակ կրել" սերչ արեցի, էս բլոգը բերեց. իմը հենց սրանիցա))

    ReplyDelete

նշագրեր /// պիտակներ

DIY (5) handmade (2) ImYerevan.com (4) lifehack (1) no comment (1) Re:Post: (9) Respect: (42) SOS (1) Довлатов (7) СССР (8) ազգային ներկապնակ (32) ազգային-ազատագրական (10) ազգի թերմացք (17) ակնարկ (4) ամառային դահլիճ (6) ամփոփում (9) անկախություն (3) աննամուս (1) անՆասուն (5) Արթուր Մեսչյան (13) արձակ (24) արձակոտն (25) արվեստ (4) արտատպում (26) բանավեճ (1) բելի վաստակ (16) բլՕգ (2) բնապահպանական (21) Գառնի (5) գիրք (7) գրականություն (5) Դովլաթով (4) եկեղեցի (5) եղեռն (4) երաժշտություն (36) երգիծահումոր (28) ԵՐԵՎԱՆ ամսագիր (3) Երևան (34) Երվանդ Քոչար (1) Զորաց քարեր (4) Զվարթնոց (2) էսսե (1) Թամանյան (9) թատրոն (2) թարգմանություն (10) թուքումուր (63) ինֆոգրաֆիկա (2) Լավ էլի (1) Լեռ Կամսար (4) լիկ.բեզ (9) լորամրգի (1) լուսանկար (15) լուսանկարչություն (13) կայք (1) կիսամարաթոն (2) համերգ (2) հայոց լեզու (11) հեղափոխություն (10) Հին Երևան (13) հնագիտություն (2) հոդված (3) հուշարձան (4) ճանապարհորդական (35) ճարտարապետություն (15) մանիֆեստ (4) մշակույթ (4) մոբիլոգրաֆիա (31) մոտո (5) մուլտֆիլմ (1) մտավորական (7) նամակագրություն (1) նոթեր (55) ոսկե ծիրան (5) ոտանավոր (8) որմզդեղն (6) ուժըսի նաշէվա գառադկա (17) պարապ-սարապ (14) պեղումներ (1) պոռնո (1) ռազմահայրենասիրական (3) Ռաֆայել Իսրայելյան (1) ռետրո (1) ռոք (3) Սարոյան (5) սոցիալական (16) սոցռեալիզմ (1) սփյուռքահայ նեգռ (4) սֆաթադավթար (1) Վրաստան (2) տեսանյութ (6) քաղաք (9) քաղաքացի պոետ (1) քարտեզ (1) ֆիլմ (59) ֆոլկլոր (1) ֆոտոպատմություն (14)