նամուս

նամուս

աննամուս.1907

աննամուս.1907

Բլօգ'n'Փնտրտուք

Total Pageviews

Wednesday, June 30, 2010

Ֆուտբոլի մասին

Ֆուտբոլն, ընդհանրապես, բաղկացած է երեք բանից.

1. Թե ինչ առաջադրանքներ կտա մարզիչն իր խաղացողներին:
2. Թե ինչ կերպ ու ու ինչքանով խաղացողները կկատարեն մարզչի առաջադրանքները:
3. Թե ինչքանով հակառակորդ թիմի մարզիչը կկռահի դիմացինի պլաններն ու ինչ հակաթույն կգտնի ու կներարկի իր խաղացողներին:



Հ.Գ.    վայ, մոռացա... ու թե ինչքանով մրցավարը կ'ՔԱՔԻ էս ամենի մեջ !!!!!!!!!!




Արագ, վայրենի, դինամիկ, գոլառատ ու "վռոն մէջա" ֆուտբոլի հավերժ սիրահար` Ա.Պ. :-)))

Saturday, June 26, 2010

Ճանաչել զիմաստություն և զխրատ, իմանալ զբանս հանճարոյ

...
Ասուլիսի մյուս մասնակից, ինֆորմացիոն տեխնոլոգիաների մասնագետ Գարեգին Չուքասզյանը նշեց, որ Մեսրոպ Մաշտոցի հայերեն թարգմանած առաջին նախադասությունը ոչ թե «ճանաչել զմանրածախ և զմեծածախ շուկա և իմանալ զբանկս» էր, այլ «Ճանաչել զիմաստություն և զխրատ, իմանալ զբանս հանճարոյ»։
«Սա իմունային համակարգի բանաձև է, որը ցույց է տալիս՝ ինչպես գոյատևել դարերի ընթացքում»,– ասաց Չուքասզյանը՝ հավելելով, որ չի կարելի շուկան ազգի ինքնության պահպանման համակարգից վեր բարձրացնել, քանի որ երբ ամեն բան չափվում է շուկայով, առաջանում է ձևախեղում։
...

...այդ «դավադիր փաթեթն ընդունվեց թարգմանիչներ, հայոց հայրեր Սահակի և Մաշտոցի տոնի օրը, ինչը նշանակում է, որ մենք հեռանում ենք մեր արմատներից»։
-Ինտեգրվել աշխարհին՝ չի նշանակում տարրալուծվել։ Պետք է կարողանաս քո հոգևոր պետությունը ստեղծել, և այդ հոգևոր հասցեն քեզ հնարավորություն կտա, անթեղելով քո այդ ինքնությունը, ավելի բարենպաստ պայմաններ եթե ստեղծվեն, նորից վերստեղծել քո նյութական պետությունը։ Իսկ մենք ինչի՞ հետ գործ ունեք։ Իմպերիաների ստեղծման այս իրավիճակում թվում է, թե Հայաստանը հայտնվել է թույլ վիճակում։ Բայց դա առաջին անգամ չէ մեր պետության պատմության մեջ, և ուղեցույցը պետք է լինի հոգևոր պետության ստեղծումը։ Դրա միջոցը համաշխարհային գիտելիքի յուրացումն է և քո մշակույթն ու լեզուն ստեղծելն ու պահպանելը։ Երբ որ ամեն ինչ սկսում են շուկայով չափել, ձևախեղվում է,-ասել է նա։

Thursday, June 24, 2010

Հայկական դպրոցն ուժեղացրեք: Պերճ Զեյթունցյան

Սիրում եմ  էլի
էս մարդու էս կերպը, մտածելու...









Եգիպտոսում ես մինչեւ 10 տարեկանը սովորել եմ հայկական դպրոցում, բայց մենք անցնում էինք նաեւ ֆրանսերեն: Առարկաներից 1-2-ը ֆրանսերենով էինք անցնում: Այդ թվականներին շատ հազվադեպ էր կատարվում, որ սփյուռքահայերը գնային բարձրագույն ուսումնական հաստատություն, նրանց մեծ մասը հայկական դպրոց էին ավարտում, բայց բոլորը սքանչելի գիտեին անգլերեն ու ֆրանսերեն: Այդ ինչպե՞ս է պատահում, որ դպրոցն ավարտելով նրանք հոյակապ տիրապետում էին լեզուներին, իսկ մեզ մոտ դա հնարավոր չէ անել: Ասում են, որ սփյուռքում միջավայր կա, ճիշտ է, բայց մեզ մոտ նույնիսկ ռուսերեն ոչ բոլորն են լավ խոսում, որովհետեւ դասավանդումը դպրոցում ցածր մակարդակի վրա է: Այսօր հիմնական խնդիրը ոչ թե օտարալեզու դպրոցներ ստեղծելը պետք է լինի, այլ հայ դպրոցն ուժեղացնելը, հայ դպրոցներում ուսուցման մակարդակը բարձրացնելը: Եվ մի մեղավոր կարծիք. ինձ թվում է, որ դպրոցներում ճշգրիտ առարկաները՝ մաթեմատիկան, ֆիզիկան, քիմիան մի քիչ շատ տեղ են գրավում: Ճիշտ է, դրանք տրամաբանություն են զարգացնում, բայց մարդուն մարդ են դարձնում հումանիտար առարկաները՝ գրականությունը, պատմությունը: Կարծում եմ, որ հումանիտար առարկաները մինչեւ որոշ դասարան ավելի ուժեղ հիմքերի վրա պետք է դրվեն: Եթե հայկական դպրոցն ուժեղացնեն, օտար լեզվի հետ կապված բոլոր հարցերը կարելի է լուծել հայկական դպրոցի սահմաններում, ինչպես սփյուռքում է դա արվում: Գիտեք, մարդը պատկանում է այն ազգությանը, որի լեզվով մտածում է: Եթե մենք այսօր երեխային կամ ապագա քաղաքացուն ստիպենք ռուսերեն մտածել, նա արդեն հայ չէ, նա հինգերորդ շարասյուն է Հայաստանում, որովհետեւ լեզուն մտածողություն է, լեզուն ամեն ինչ է, մարդու դեմքն է: Մեծ սխալ կլինի, եթե Ազգային Ժողովն ընդունի այդ փոփոխությունը, որովհետեւ մենք կրկին կստեղծենք հինգերորդ շարասյուն: Իմ մտերիմ  մարդկանցից մեկը, որ ռուսական դպրոց էր ավարտել, զարմացել էր ու ասել. "
--> Ïåð÷, îêàçûâàåòñÿ àðìÿíñêèé ÿçûê èíäîåâðîïåéñêèé ÿçûк": Ես չեմ ուզում այդպիսի մարդիկ ունենալ Հայաստանում, որ հայ չլինեն հոգով: Ես գտնում եմ, որ Աշոտյանի դեմ հարձակումները մի քիչ չափազանցված են, ինձ դուր չի գալիս այն ածականները, որ տալիս են նրա հասցեին, բայց ես համոզված եմ, որ շատ սխալ քայլ է անում Կրթության եւ գիտության նախարարությունը: Հայ դպրոցը եթե ուժեղանա, այսպիսի հարցերը կվերենան, հայկական դպրոցում կսովորեն ե՛ւ ռուսերեն, ե՛ւ անգլերեն կամ ֆրանսերեն, իսկ հայ դպրոցն այսօր նույնիսկ հայերեն խոսել չի սովորեցնում, էլ ու՞ր մնաց անգլերենի կամ ռուսերենի մասին խոսենք:

Պերճ Զեյթունցյան 

Զուլալ աղբյուր :-)))

Wednesday, June 23, 2010

Պատգամ 2 /տերյանաբար/

Երբ կհոգնես, կգազազես հայ լեզվից,
Դարձիր դու ռուս կամ անգլիացի Ալբիոնից.
Ցաված սիրտս միայն Պուշկին է ուզել,
Կարոտ հոգիս` միայն Շեքսպիր երազել:
Գուցե ես լամ բախտիդ համար, իմ Տերյան,
Գուցե ողբամ, ու ծափ տամ քեզ, Աշոտյան:

* * *
Լավ, խառնեք մեզ ձեր վայրի արջի ցեղերին.
Մրցունակ չենք մենք, տգետ, ահավոր անմիտ...




http://kogovit.livejournal.com/

Պատգամ


Պատգամ


Լսի՛ր, որդիս, շաղգամ որպես
Տիրոջ քո մոր խոսքը սրտանց,
Այսօրվանից մերժում եմ քեզ
Հայոց լեզուն հազարագանձ։

Ծախվել է նա կանխիկ փողով
Կաբինետում վարչապետի,
Դաբրո ստացել որոշումով
Նժդեհական պառլամենտի։

Թարգի՛ր, որդիս, անմիջապես
Մեսրոպատառ հայոց լեզուն,
Որ դրսերում չմոլորվես,
Նորմալ շփվես Լաս-Վեգասում։

Ու տե՛ս, որդիս, ուր էլ թռնես,
Ինչ բիզնեսի տեր էլ դառնաս,
Ինչ առիթով ում հայհոյես՝
Աշոտյանին չմոռանաս:


"ՉԻ"

Monday, June 21, 2010

սեռական հոլովով :-)))

Կնիկ բառը միշտ պետք ա օգտագործել սեռական հոլովով՝ կնոջ, այ օրինակ՝ կնոջ ջան մի հատ թռի կոֆե դիր խմենք :-ՃՃՃՃՃՃՃՃՃՃ


© Արա Պետրոսյան ու իր ա դվայոռդնի քեռի :-))))

Tuesday, June 15, 2010

Արիա-քրիստոնեությունը` որպես հավատադարձի հիմք

Թեև որոշ դրույթների համաձայն չեմ, բայց մի ճանապարհ էլ սա է
Ա.Պ.




Արիա-քրիստոնեությունը` որպես հավատադարձի  հիմք  
Մեկ անգամ չէ, որ հարցրել  են, թե ինչու՞ է ՀԱՄ-ը առաջադրել  արիա-քրիստոնեության տարբերակը: Հարցնողները  եւ՛ քրիստոնյաներ են եւ՛ հեթանոսներ: Հասկանալի է, որ յուրաքանչյուրն իր մտահոգության տեսանկյունից է հարցը տալիս, ի՞նչ է դա՝ արիա-քրիստոնեությունը:  
Պատասխանը միշտ եւ ուղղակի  մեկն է: ՀԱՄ-ը առաջարկում է հայությանը կանոնակարգված հոգեւոր վերադարձ դեպի իր արմատները, ծագումը, որն ակնկալում  է նախ եւ առաջ ազատագրվել հուդա-քրիստոնեությունից: Իսկ դրա ներկայիս լավագույն տարբերակն էլ հենց արիա-քրիստոնեության ձեւավորումն է: 

Monday, June 14, 2010

հայկական ռոքի իրավիճակ 2

Էս գրառմանս մեջ մոռացա նշել մի շատ կարևոր բան: Հայկական ռոքը լավ կողմեր էլ ունի :-)))
ԲԱՅՑ, ինձ դուր չի գալիս, որ մի թմբկահարը մի յոթ խմբի թմբկահար ա, մի կիթառահարը նվագում ա մի 3 խմբում, ու նաև դուր չի գալիս, որ ռոք խմբի մենակատարը գնում ա եվրատեսիլի նման անՆասուն մրցույթի զադնի վոկալ, ու նաև էն, որ ազգային երաժշտական մրցանակաբաշխության ժամանակ "լավագույն ռոք ալբոմ" անվանակարգում հաղթում ա լրիվ ռեգգի ոճում գտնվող մի սկավառակ...

Սիրե՜նք հայկական ռոքը, կարողա շատ սիրենք՝ լավը դառնա :-)))

Լավ ռոքի հավերժ սիրահար՝ Ա.Պ.



Play City RockFest կամ էլ հայկական ռոքի իրավիճակ

Saturday, June 12, 2010

արտատպում "Առավոտ" թերթի վերջին համարից

Հայաստան–2020
Դրոշի խնդիրը՝ 10 տարի հետո

Կրթության եւ գիտության նախարար Առաքել Մովսիսյանը հանդես է եկել նախաձեռնությամբ՝ միջազգային չափանիշներին համապատասխանեցնել Հայաստանի պետական դրոշը: Այդ նպատակով առաջարկվում է փոխել նախկին եռագույնի երկու գույները՝ կարմիրը դարձնել սպիտակ, իսկ ծիրանագույնը՝ կարմիր՝ անփոփոխ թողնելով կապույտը: Այսպիսով, ըստ պարոն Մովսիսյանի, փոփոխվելու է մեր դրոշի միայն 2/3-ը: Իր նախաձեռնությունը պարոն Մովսիսյանը հիմնավորել է, մասնավորապես, հետեւյալ փաստարկով. «Երբ մեր քաղաքացիները վերադառնում են խոպանից, նրանք չպիտի սթրես ապրեն՝ անծանոթ դրոշ տեսնելիս, եւ հայրենիքին ադապտացիայի բարդ շրջանում նրանք պետք է տեսնեն այն դրոշը, որին սովոր են տարին 11 ամիս Հայաստանից դուրս անցկացնելիս: Ընդ որում, նոր դրոշի կիրառումը սահմանափակ կլինի՝ այն կախվելու է օդանավակայանում, քյաբաբնոցներում եւ սաունաներում, այսինքն՝ այն վայրերում, որտեղ մեկ ամսվա ընթացքում այցելելու են արտերկրում աշխատող հայաստանցիները, իսկ մնացած տեղերում հնարավոր է հին՝ միջազգային չափանիշներին չհամապատասխանող դրոշը»:

ԵԽԽՎ-ում հայաստանյան պատվիրակության ղեկավար Մհեր Սեդրակյանը հավելեց եւս մի կարեւոր փաստարկ. «Եվրոպայի խորհրդի առաջ ստանձնած մեր պարտավորությունների համաձայն, մենք պարտավոր ենք ապահովել բազմակարծությունը: Եվ ահա մենք նշանակալից քայլ ենք արել այդ ուղղությամբ՝ մեր քաղաքացիներին հնարավորություն տալով ընտրել, թե որ դրոշն են նրանք ուզում: Ժողովրդավարության այդպիսի մակարդակ, վստահ եմ, աշխարհի ոչ մի երկրում չկա»: Անվանի մտավորական Լեւոն Իգիթյանը, ելույթ ունենալով չծխողների «Ղուլաբ» ակումբում, վրդովվեց նախաձեռնության ընդդիմախոսների կեցվածքից. «Կարո՞ղ ա պատահի, ես վատ հայ եմ, որ էդ նոր դրոշը դուրս գալիս ա: Տո, հենց ամենադուխով տղեն ես եմ, որ էս դրոշն եմ պենջակիս կպցնում»: Նրա հետ համաձայնեց ԵՊՀ ռեկտոր Փառանձեմ Մեյթիխանյանը. «Կարեւորը դրոշը չէ, կարեւորը «լառ», «խաշամ», «նարոտ», «պարտասուն», «ապիրատ», «ոսկեման» եւ «ժպրհել» բառերի իմաստը իմանալն է»:

Չափավոր ընդդիմության առաջնորդ Արկադի Վարդանյանը այդ կապակցությամբ հայտարարել է, որ ոչ մի նշանակություն չունի, թե ինչ նախաձեռնություններ է առաջարկում կառավարությունը, քանի որ, միեւնույն է, մոտակա 3 ամսվա ընթացքում իշխանափոխություն է լինելու: «Ռեժիմը հոգեվարքի մեջ է,- հայտարարել է պարոն Վարդանյանը,- 3 ամսից սահմանադրական կարգը կվերականգնվի, եւ ամեն ինչ կշտկվի»:

Ի նշան բողոքի թե՛ կառավարության նախաձեռնության եւ թե՛ չափավոր ընդդիմության անվճռականության՝ արմատական ընդդիմադիր Վարդգես Գասպարին պառկեց Ազատության հրապարակում:
ԱՐԱՄ ԱԲՐԱՀԱՄՅԱՆ

Thursday, June 10, 2010

ԱՐՅՈՒՆՈՏ ՄԱՏԱՂԱՏԵՂԻ


Խոսրովի Անտառ պետական արգելոցում նորից սկսվել է ռեՍՏՈՐանաշինարարությունը: Հիշեցնեմ, որ այն դադարել էր հասարակական փոքր աղմուկից հետո: Կրկին համախմբվել է պետք ու որպես առաջին քայլ, գոնե  բարձրաձայնել և խնդիրը հասարակական քննարկման առարկա դարձնել:


Անտառապահի կողմից կենդանիների բնաջնջումը հերիք չէր, այժմ էլ կանաչ տարածքների, դարավոր ընկուզենիների, մշտադալար բարդիների հաշվին սկսել են կառուցապատումը մի անհայտ ապօրինի շինության, որը հավանաբար որսատեղի է լինելու շատ ու շատ հղփացածների:
Խնդրում եմ այս տեղեկատվությունը տարածել բոլոր հնարավոր սոցիալական ցանցերում, բլոգներում, նորությունների կայքերում մեկնաբանության տեսքով:
Հետաքննություն անցկացրեք, գտնենք մեղավորներին, կանխենք մեր չքնաղ բնության ոչնչացումը: Տարածքում առկա են հին կոթողներ, վանքեր, որոնց հենց կողքին արյունոտ մատաղատեղի են նախատեսում սարքել: Խախտվում են մի շարք ՀՀ օրենքներ: Լռելն անթույլատրելի է:
Ինչպես նաև ահազանգենք ՀՀ Բնապահպանության նախարարություն (հեռ. 519-182,  523-835) կամ WWF Հայաստան (կոնտակտները ներքևում), պահանջենք դադարեցնել արգելոցում ծավալված հակաբնական գործողությունները... 

Կորցնում ենք կենսաբազմազանությունը, վայրի կենդանական եվ բուսական աշխարհը, սպանում ենք շնչող բնությունը:

Հակիրճ ներկայացնեմ խնդիրը: Անցած տարի ՀՀ կառավարության որոշմամբ «Խոսրովի անտառ» պետական արգելոցի տարածքում ստեղծվեց «Գիլան»պետական արգելավայրը: Որոշումից անմիջապես հետո արգելավայրի տարածքը (118 հա) 60 տարով տրվեց վարձակալության եւ արգելավայրում սկսվեց հյուրանոցի եւ սրճարանի շինարարություն: Հուսով եմ պարզ է, թե հետագայում ինչ հետևանքներ կունենա այդ ռեՍՏՈՐանը Խոսրովի անտառ հրաշքի վրա:

WWF Հայաստան

Արթուր Խոյեցյան, Հասարակայնության հետ կապերի բաժնի ղեկավար, Բնության համաշխարհային հիմնադրամի հայաստանյան մասնաճյուղ (WWF Հայաստան)


Խախտումներ պատմամշակութային հուշարձաններում



ՀՀ մշակույթի նախարարության “Պատմամշակութային արգելոց-թանգարանների և պատմական միջավայրի պահպանության ծառայություն”-ը, որն իրականացնում է պետական սեփականություն հանդիսացող պատմական, հնագիտական, ճարտարապետական անշարժ հուշարձանների, հուշարձանային համալիրների, պատմական և բնապատմական միջավայրի, պատմամշակութային հողերի, տեղանքապատկերների /լանդշաֆտների/, մշակութային այլ արժեքների պահպանությունը, ուսումնասիրումն ու օգտագործումը, իր գործունեության ընթացքում մշտապես հետամուտ է լինում, հայտնաբերում և համապատասխան միջոցներ է ձեռնարկում բնակչության կողմից պատմամշակութային ժառանգության օբյեկտների ոչ պատշաճ օգտագործման, կամ տնտեսական գործունեության արդյունքում հուշարձաններին կամ դրանց պահպանական տարածքներին հասցված վնասի յուրաքանչյուր դեպքի առնչությամբ:

Wednesday, June 9, 2010

Play City RockFest կամ էլ հայկական ռոքի իրավիճակ

Շաբաթ օրը մոտոյով հասա PlayCity RockFest-ի: Ընդհանուր առմամբ լավ էր կազմակերպած, չհաշված 600 դրամանոց 0.3լ կիլիկիաները, որոնք եռմանից մի քիչ էին հով: Հասա երկրորդ խմբի ժամանակ՝ վրացիք եկել էին Երևան ռոք նվագելու, ու ասեմ ձեզ լավ էլ ստացվում էր, համենայն դեպս դռայվն ավելի շատ էր: Ելույթի վերջում՝  օ՛ ռոքի անգլիացի աստվածներ՝ Iron Maiden-ի իմ ամենասիրած գործերից մեկը՝ Aces high-ը նվագեցին: /Տեսանյութ/ Մի թեթև մշակութային շոկ տարա :-))) Հետո ժամանեցին հայկական ռոքի կիսաթև դեմքերը:
Ասեմ, որ հայկական ռոք կոչվածը շատ էի սիրում, հիմա էլ չեմ զզվում, բայց մի բան չեմ հասկանում. էդ ո՞նց ա ստացվում, որ մեր խմբերը էս 8-7-6-5 տարիՅԱ նույն երգացանկն են էն բանից անում...Խոսքը վերաբերում ա հատկապես փոքր Բամբիռին, Էմփիռեյին...

Հիմա փորձեմ իմ տեսանկյունը ներկայացնել հայկական ռոք խմբերի մասին, գնացինք...

փոքր Բամբիռ - իրանք որ սկսեցին, շատ լավն էին, հիշում եմ հատկապես ՆՓԱԿ-ի վախտվա ելույթները, ակումբներում եմ շատ լսել...իսկ հիմա եթե իրանցից մի նոր երգ լսեմ՝ ահագին կզարմանամ...իմիջիայլոց, Զեփփի, Բիթլեզի, Ռօլլինգների երգերը՝ նրանց կատարմամբ ահագին հաջող են:
Դոգմա - հաշվի առնելով որ համեմատաբար նոր ձևավորված խումբ ա՝ մի քիչ կարելի ա ներել, որ էս արդեն քանի բացօթյա համերգ ա՝ նույն ծրագիրն են նվագում...չնայած լավ էլ նվագում են ու իրանց երգաոճը դուր գալիս ա բավականին
Empyray - իրանց առաջին անգամ լսել եմ 1999թ Պարոնյանի թատրոնում՝ այ դա ռոք էր՝ ծանր ու լիքը: Հիմա դառել են մի քիչ պապսառոք ու տենց ռելսերի վրա ընկած գնում են եսիմ ուր...իսկ իրենց անխոնջ վոկալիստը, բացի երգելուց, ամեն ելույթից առաջ համոզում ու սովորացնում ա մեզ թե՜ ինչ լավ բան ա ռոքը, թե՜ ինչ վատն են մնացած բոլոր երաժշտությունները, կեցցե՛ ծանրությունը, իրանց խումբը խումբ ա, լսեք կարգին երաժշտություն, կորչեն քյառթուները ու տենց բաներ...հոգնել եմ արդեն ռոքի անիմաստ պրոպագանդայից...էդ երաժշտությունը երգել, նվագել ու լսել ա պետք՝ ռոքն ինքնիրան կպրոպագանդվի...
Իմիջիայլոց, Որագայթի երգը շատ եմ սիրում...
Դորիանս - էս խումբը վերջերս մի սուպերհիթ հանեց ես կուլամ հուզիչ վերնագրով: Էդ երգը մակարդակի առումով հայկական շովուբիզնեսում զիջում ա մենակ երևի հուսո առագաստ-ին: Բայց խմբի մնացած երգերից թե բան եմ հասկանում ու զգում՝ ամոթ ինձ...Իմիջիայլոց, Stop ակումբում լավ էլ երգում-իմպրովիզում են...
Stryfe - էս խումբը շատ թափով սկսեց ու մի 15 րոպե գործիքային խելագար գործ նվագեց, հետո եկավ Եվան ու ամբողջը փչացրեց: Էդ աղջկան ասել ա պետք, որ ինքը մի քիչ անսլուխ ա...
Արծրունի բէնդ - Սրանք նվագեցին իրանց 1996 թվի սկավառակի գործերը: 14 տարվա գործիքային բաներ: Լավ էլ նվագում էին, բայց Արծրունին դադարել ա իմ համար առաջադեմ երաժիշտ լինելուց:

Ավել-պակաս կներեք:

Հ.Գ. ընդհանուր մթնոլորտը շատ լավն էր` խոտերին փռված մարդիկ և այլն...մնում ա հուսալ, որ նմանատիպ բացօթյա ռոք-փառատոնները կկրեն շարունակական բնույթ /էս վերջին մասը հայլուրի շաբլոնով էր :-)))







Մենք ու մեր կայծակները :-Ճ





Լուսանկարները գողացել եմ Տաթևիկից ու Հասմիկից :-)
Ամոթ ինձ

Tuesday, June 8, 2010

Արշավազգիներ բոլոր դաշտերի, սարերի, ձորերի, գետերի, հրաբուխների միացե՛ք !!!!!!!!

Իմ ընկերների կայքում / findarmenia.com / բացվել է «ՀԱՅԱՍՏԱՆՈՎ ԱՐՇԱՎԵԼԻՍ» սիրողական ֆոտոցուցահանդես՝ նվիրված արշավազգի մարդկանց ու նրանց հեղինակած լուսանկարներին:


Ամբողջական տեքստը սա է.

Հայաստանում գործող արշավախմբերը ներկայացնում են արշավների ժամանակ արված սիրողական լուսանկարներ:
Լուսանկարների ցուցահանդես-մրցույթն անցկացվում է «ՎեգաԳրուպ» ընկերության և «ԻՆՖՈսթրիմ» վեբ-ստուդիայի հովանավորությամբ, ինչպես նաև «Մոսկվայի Տուն» մշակութագործարարական կենտրոնի աջակցությամբ:
Մրցանակաբաշխությունը և ցուցահանդեսի հանդիսավոր փակումը կկայանան հունիսի 15-ին ժամը 18:00 Մոսկվայի տան ցուցասրահում: Մուտքն ազատ է:



Արշավազգիներ բոլոր դաշտերի, սարերի, ձորերի, գետերի, հրաբուխների միացե՛ք !!!!!!!!

կա տենց բան :-) (:- մի օրվա լուսանկար



Saturday, June 5, 2010

հայկ նահապետ, տորք անգեղ ու մի քիչ էլ սասունցի դավիթ

2 օր առաջ մի տավարաննասուն պոկել էր Հայկ Նահապետի արձանի ոտնատակը, հետո պարզվել էր, որ մի վախտ առաջ Տորք Անգեղին էլ ա վնասել: Ակամայից հիշեցի մութուցուրտ տարիներին Սասունցի Դավթից արձանի տակի պղնձաթասի բազմանգամյա գողությունը:
Սասունցի Դավիթ /Երվանդ Քոչար, 1959թ/
Ուշադրություն դարձրեք սպիտակ շլանգին, 
որը ջուր է հասցնում համբերության թասին...

Տորք Անգեղ /Կառլեն Նուրիջանյան, 1982թ/

Մի ժամանակ Էս Տորքի շուրջբոլորը գեղեցիկ այգի էր, հիմա դեմը` բենզալցակայան, աջից` բոմժերի տներ, ձախից` ավտոտնակներ են: Զարգանում ենք...

Հայկ Նահապետ /Կառլեն Նուրիջանյան, 1972/


Ու չնայած իմ համեստ կարծիքով էս արձանի հորինվածքը մեծապես "ազդված" ա էս ներքևի գործից, բայց դե հիմա, լավ արձան ա:

Ա. Բուրդել: Հերակլ

Շարունակելով Երվանդ Քոչարի թեման ասեմ, որ էսօր նրա 110 ամյակի ցուցահանդեսի բացումն էր նկարիչների տանը: Մտա`մի հազար հոգի մարդ, շնչելու օդ չկա, չնայած հրաշալի էքսպոզիցիա էր: Սխալ արեցի որ բացմանը գնացի, մի հատ էլ ա գնալ պետք: Դե Քոչարն իմ համար վերջին հարյուրամյակի ամենախոշոր հայ արվեստագետն էր...իսկ ամենալավը նրա ստեղծագործություններից համարում եմ մեր էպոսի նկարազարդումները: Հա, մեկ էլ էս արծիվը` երկու հանճարների՝ Ռ. Իսրայելյանի ու Քոչարի միաձուլումը:

P.S. Հա, մոռացա ասեմ, խորացած ինչ-որ նկար էի նայում, մեկ էլ ֆռամ տենամ մեջքիս հետևը` վա՜ յ ,  Հովիկ Աբրահամյանը ու կողքին մի քանի հաստավիզ, որոնք վախեցած նայում էին աջուձախ որ հանկարծ մեկը.........ցուցահանդեսին ներկա էր նաև հայ ու ընդհանրապես համաշխարհային արվեստից բեսամփթ հասկացող ու հայ մշակույթը բռնաբարած-ունեցած-պռծած մշակույթի մարզպանուհի Հասմիկ Պողոսյանը: 
Նրանք անխոնջաբար կանգնեցին բոլոր գործերի առաջ ու ջանասիրաբար տմբտմբացրեցին իրենց գլուխները :-)))

Մնաք բարով

Ա.Պ.

Հ.Գ. Լուսանկարներն իմն են, բացի վերջինից:

Tuesday, June 1, 2010

թարմ անեկդոտ / ամառվան ընդառաջ


- Девушка, а что вам нравится больше? Рондо или минуэт?
 -А рондо это куда?
:-)))))


© Gurgen Ambaryan

նշագրեր /// պիտակներ

DIY (6) handmade (2) ImYerevan.com (4) lifehack (1) no comment (1) Re:Post: (9) Respect: (42) SOS (1) Довлатов (7) СССР (8) ազգային ներկապնակ (32) ազգային-ազատագրական (10) ազգի թերմացք (17) ակնարկ (4) ամառային դահլիճ (6) ամփոփում (9) անկախություն (3) աննամուս (1) անՆասուն (5) Արթուր Մեսչյան (13) արձակ (24) արձակոտն (25) արվեստ (4) արտատպում (26) բանավեճ (1) բելի վաստակ (16) բլՕգ (2) բնապահպանական (21) Գառնի (5) գիրք (7) գրականություն (5) Դովլաթով (4) եկեղեցի (5) եղեռն (4) երաժշտություն (36) երգիծահումոր (28) ԵՐԵՎԱՆ ամսագիր (3) Երևան (38) Երվանդ Քոչար (1) Զորաց քարեր (4) Զվարթնոց (2) էսսե (1) Թամանյան (9) թատրոն (2) թարգմանություն (10) թուքումուր (63) ինֆոգրաֆիկա (2) Լավ էլի (1) Լեռ Կամսար (4) լիկ.բեզ (9) լորամրգի (1) լուսանկար (16) լուսանկարչություն (13) կայք (1) կիսամարաթոն (2) համերգ (2) հայոց լեզու (11) հեղափոխություն (10) Հին Երևան (14) հնագիտություն (2) հոդված (3) հուշարձան (4) ճանապարհորդական (35) ճարտարապետություն (15) մանիֆեստ (4) մշակույթ (4) մոբիլոգրաֆիա (31) մոտո (5) մուլտֆիլմ (1) մտավորական (7) նամակագրություն (1) նոթեր (55) ոսկե ծիրան (5) ոտանավոր (8) որմզդեղն (6) ուժըսի նաշէվա գառադկա (17) պատմվածք (1) պարապ-սարապ (14) պեղումներ (1) պոռնո (1) ռազմահայրենասիրական (3) Ռաֆայել Իսրայելյան (1) ռետրո (1) ռոք (3) Սարոյան (6) սոցիալական (16) սոցռեալիզմ (1) սփյուռքահայ նեգռ (4) սֆաթադավթար (1) Վրաստան (2) տեսանյութ (6) տրամվայ (1) քաղաք (9) քաղաքացի պոետ (1) քարտեզ (1) ֆիլմ (64) ֆոլկլոր (1) ֆոտոպատմություն (14)