ախր ինչու մեր եկեղեցին առաքելական ա ու ոչ թէ կաթոլիկ...հըլա մի արանք պատկերացրեք` մի ամբողջ շաբաթ անդադրում մեղք ես գործում` սպանում ես, մոռթում ես, բռնաբարում ես, գռփում ես, շնանում ես (էս մեկը մեղք ա?), պղծում ես հուշարձաններ, թքում ես մեկի երեսին, եկեղեցի չես գնում կանոնավոր, հայհոյում ես դիմությանն ու ընդդիմությանը, գործի չես գնում, գոռգոռում ես տնեցիքի վրա...և գալիս է չքնաղագեղ կիրակին` սիրուն սափրվում ես, կոկիկ հագնվում ես ու այցելում աստծո տաճար, մտնում մի մութ խուց, էշ-էշ պատմում մեղքերիդ մասին բոլոր ու մի պատահական տեր հայր ասում է քեզ` զավակս, գնա չոքի մի ութ անգամ հայր մեր արա, մի վեց անգամ էլ կգաս պատարագ կլսես և ամենակարող աստված կների իր մոլորյալ գառնուկի մեղքերը բոլոր...ու դուրս ես գալիս` արև պայծառ ու դու անմեղ ես ու կուսական` ինչպես լոռվա անտառների չայցելված ծմակուտները...էդ անմեղության շատությունից նույնիսկ մարմնիդ մազազանգվածը հիասթափությունից խանձվում է...
Մեջբերում մի թերթից`
- Վերջերս Կիրիլ պատրիարքը Հայ առաքելական եկեղեցին անվանեց ուղղափառ. ընդդիմացա՞ք, սաստեցի՞ք:
- Այդտեղ սխալ ձեւակերպում չկա, որովհետեւ Հայ առաքելական սուրբ եկեղեցին ուղղափառ եկեղեցի է: Երբ մենք ընթերցենք Նիկիական հանգանակը, ապա այնտեղ կտեսնենք եկեղեցուն Տիեզերական ժողովի կողմից տրված հատկանիշները, որոնք են` ընդհանրական, ուղղափառ, սուրբ եւ առաքելական: Այսինքն` եկեղեցին, լինելով տիեզերական, ունի նաեւ առաքելական, սուրբ, ուղղափառ ստորոգելի հատկանիշներ, եւ եթե մենք այսօր մեր եկեղեցուն իբրեւ պաշտոնական անուն տվել ենք առաքելականը, դա չի նշանակում, որ մեր եկեղեցին ուղղափառ չէ: Մեր եկեղեցին աշխարհի ամենաուղղափառ եկեղեցին է, քանի որ հավատարիմ է մնացել առաջին երեք տիեզերական ժողովների դավանած բանաձեւին:
- Եվ եթե նրանց անվանեինք Ռուս առաքելական եկեղեցի, ի՞նչ կլիներ, չէի՞ն ընդդիմանա:
- Ոչինչ չէր լինի, քանի որ ռուս եկեղեցու հիմնադիրը համարվում է սուրբ Անդրեաս առաքյալը` Քրիստոսի տասներկու առաքյալներից մեկը: Նույն հաջողությամբ հայոց եկեղեցուն կարելի է անվանել ընդհանրական, կաթոլիկ:
Ամբողջ տեքստը տես այստեղ:
No comments:
Post a Comment