Մանիֆեստ Հյուսիսային պողոտայի, Երևանի, Թամանյանի ու Նարեկ Սարգսյանի մասին

Էսօր ֆեյսբուքում մի ինքնաբուխ մանիֆեստ գրեցի Փղի ստատուսի տակ: Ահավասիկ այն

Եթե ինչ-որ մեկը կարծում ա, որ Հյուսիսային պողոտան Թամանյանի Հյուսիսային պողոտայի հետ կապ ունի՝ չարաչար սխալվում ա:

 Եթե ինչ-որ մի երևանցի կամ իրեն բանական մարդ համարող մեկը կարծում ա, որ հյուսիսային պողոտան ստեղծված ա մարդկանց համար կամ Երևանի համար, ես խղճում եմ նրան:

 Եթե ինչ-որ մեկը կարծում ա, որ Հյուսիսային պողոտան կառուցողները ներվելու են՝ հին երևանցիներին տներից վտարելու և նրանց՝ հենց իրենց տան տեղը կառուցվող բարձրահարկում տուն չտալու համար, ուրեմն ինքը խիղճ չունի:

Եթե ինչ-որ մեկը կարծում ա, որ Հին Երևանի շենքերը քանդելու համար արժի ներել քանդողներին, ուրեմն ինքը վանդալ ա:

 Եթե ինչ-որ մեկը կարծում ա, որ Հյուս. պողոտան սարքելուց (բացի որոշ մարդկանցից, որոնք լավ փողեր են լափել), սովորական մարդիկ շահել են, ապա նա իրականությունից հեռու ա:

 Էսքան բան:

Հա, որպես հետգրություն, Նարեկ Սարգսյանին հենց մենակ Օպերայի կողքի իրեքհարկանի կաֆեների համար արժե ուղարկել ոչ թե Աղդամ, այլ Բաքու......

Խաղաղ ապրեք:


Եվ վերջում, որպես ձեսեռտ, հայոց ճարտարապետության դարակազմիկ ռահվիրա Նարեկ Սարգսյանի վատությունները ափռցփռությունները Երևան քաղաքին:

- Օպերայի սրճարաններ-կանաչ տարածքների ոչնչացում,
- Համատարած բենզալցակայանների կառուցում,
- Հրազդանի կիրճը ռեստորանային համալիրների և հասարակաց տների վերածելը,
- Ժամանակակից արվեստի թանգարանի անվան տակ խանութների շարք կառուցելը` Մաշտոցի պողոտա 13 հասցեում
- Կասկադի տարածքում բնակելի առանձնատների կառուցման թույլտվությունը,
- Դալմայի բաղերի կառուցապատման աղավաղված գաղափարը,
- Հյուսիսային պողոտա, (Թամանյանի նախագծով շենքերը պետք է լինեին Օպերայի շենքի բարձրությունից ցածր,)
- Նորք Ինֆեկցիոն հիվանդանոցի հողատարածքների վաճառք անհատներին,
- Հաղթանակ զբոսայգու տարածքում հյուրանոցային համալիրի շինարարության թույլտվություն կանաչ գոտու հաշվին,
- Սարյան-Մաշտոց զբոսայգու երկայնքով մեկ բարձրահարկ շենքերի կառուցում` ամբողջովին խախտված նորմերով: Ի դեպ, շենքերի կեսի նախագծերի հեղինակն անձամբ ինքն է,
- Օղակաձև այգու կառուցապատում` կանաչ տարածքների հաշվին: Ընդ որում, այգին ընդգրկված էր հուշարձանների ցանկում…

Աղբյուր


Մի հատ էլ մեջբերում Արա Շիրինյանից

Հյուսիսային պողոտայով Նարեկ Սարգսյանը... սպասարկել է իշխանական կլանի կողմից իրականացվող թալանը, հիմնավորել է տասնյակ երեւանցիների ունեզրկումը: Հյուսիսային պողոտան բիզնես պրոյեկտ է, հանրային տարացքի յուրացում` մի խումբ ընտրյալների անձնական շահը բավարարելու համար: Այդ պողոտան փող կորզելու միջոց է: Այդ պողոտայի վրա չկա ոչ մի գրախանութ, ոչ մի մշակութային օջախ: Միայն թանկ խանութներ, թանկ սրճարաններ եւ "Մոսկվիչկա" սուպերմարկետն իր չպատճառաբանված գներով: Ես աշխարհի ոչ մի քաղաքում չեմ տեսել հետիոտն փողոցում սուպերմարկետ: Աղքատ երկրում այսպիսի փողոցի գոյությունը անբարոյականություն է: Նարեկ Սարգսյանը ապականել է ամբողջ քաղաքը: Նրա օրոք Օպերայի այգին հանձնվեց սրճարանատերերին: Օղակաձեւ զբոսայգում կառուցվեցին անճաշակության վերջ ռեստորաններ (օրինակ, Հին Հռոմը): Նարեկ Սարգսյանը թույլ տվեց քանդել հին Երեւանի սեւ շենքերը: Էլ որն ասեմ: Հիմա դու կասես, թե ինչ կապ ունի այստեղ Նարեկ Սարգսյանը: Ճիշտ է, նրա փոխարեն մեկ ուրիշն էր անելու նույն բանը: Եւ այս հասարակական վրդովմունքը հենց այդ համակարգի դեմ է, որին ծառայում են բազմաթիվ Նարեկ Սարգսյաններ: