էսքան ժամանակ չէի գրում վախենում էի գրել փափուկ-փափուկ ու տենց բա հետո էս ամառը ինձ մաշեցնում է արևի տակ էլ բան չմնաց մաշկազերծվեց դամբարանադաշտն ու միջին և ուշ բրոնզե դարերն ի հայտ եկան կլոր շարված քարերի պատկերներով դիլիջանս մնաց յասամանոտ ու չվայելվեց ռետինե անվադողերի հոտին քսված ասֆալտաջուրը ներկեց գլուխս ու թափ տվեց ականջներս անցած փոշուց ու ավազահատիկները շարվեշարան մտան աչքիս անկյունները չորսբոլոր ու բա ինձ ով լավ մոտո կառնի ես կառնեմ խոսք եմ տալու չարի վերջին որ մի ձագ տա տանեմ շամփրեմ բա արշավախում չենք գնալու հյուսիսային բևեռախույզ էս հայաստանի թաքուն անկյունները որ շարես իրար հետևից մի տրանսկովկասյան գնացք կստացվի ու կանցնի սև ծովի ափերի սովետական կուրորտներով դբա սոչի ես բացում եմ դամբարաններ ու խոսում մեռելների հետ հեյ մեռելներ ականջ արեք էս երբ մեռաք մի 3500 տարի առաջ թե հետո քրիստոսից առաջ թե հետո տո քրիստոսն ով ա որ մեր ժամանակը նրա լինելով չափենք որ ուշադիր նայես երկինք քրիստոսի նասկիներն էլ կտեսնես աջ ոտի ձախ բութ մատի տեղն էլ ծակ տատին չի հասցրել գործի կարկատի ու երգում ես հո չես երգում քթիդ տակ բայց քիչ հեռու ես լսում եմ մռթմռթոցդ մեր սիրո աշունը ամառը ձմեռը չէ հետո գարունը հետո չէ ինչի՞ մեր սիրո` ես էգոիստ եմ` ոչ թե մեր, այլ ԻՄ սիրո եղանակները որովհետև սիրել եմ ԵՍ այլ ոչ թե` ԻՆՁ ու դեռ մինչև քանի դեռ հետո գնա դեռ մի քիչ առանց առաջին ու կախված լարը քո քթահոսել է բայց դե ինձ չեմ խաբելու ու նաև գրելու եմ ու չեմ թաքնվելու ու չեմ թաքցնելու ցավերն իմ ստացած վերքերիս տակ թաքուն կարնահոսեն հետո կթարախակալեն ու քամով կբուժեմ հյուսիսարևելյան սուր քամով եթե քամին հյուսիսարևելյան ա էդ ուրեմն էդտեղից ա՞ փչում թե՞ դեպի էդտեղ, կամ էլ թե չէ գետի ափերի աջն ու ձախը ոնց կիմանաս ուրեմն կանգնում ես մեջքով դեպի հունը ու տենց քեզնից աջ կլինի գետի աջ ափ ու հակառակը իսկ հունը էդ էնա որտեղից գետը հոսում ա բա գետի հյուսիսարևելքն ուր կորավ գետնի տակից դուրս բխող մի ջուր էր համարյա եռման թեյնիկի կտուց ոտերս մտան ու կիսաեփ կիսաֆաբրիկատ արդեն ասել եմ չէ որ կիսատ բաներ չեմ սիրում ջհանդամը գյոռը գյոռբագյոռ պիղծ միջնադար ու ոսկեդար հայ գրականության հա բա տենց հա բա հող կուլ տվի հետո օղիով թրջեցի որ մաքրվեմ հետո կերա լավաշ պանիր ու հարգելով պապերիս հիշատակը նայեցի լեռներին ու արծիվ տեսա թե բազե էր սակայն ինչ տարբերություն քարակույտը կլորակերպ շրջանաձև ու խաչմերուկ որ կարդում եմ գրելուց մի քանի ամիս անց չեմ հավատում որ ես եմ…
նամուս
աննամուս.1907
No comments:
Post a Comment